“ҮРҮҤ КҮӨЛТЭН” биир дьиэ кэргэттэн түөрт бырааттыы Елисеевтар, бу уодаһыннаах сэриигэ ыҥырыллан кыттыбыттара.

         Ол курдук Николай Петрович-1 кини 1919 с.т. 1942 с-ха сэриигэ барбыт алтынньыга 1942 сыллаахха сураҕа суох суппут, (Мэҥэ таас- 105 стр.), кини сэриигэ барыан иннинэ 1942 с-ха сэриигэ барыахтарын иннинэ дьонун кытта түһүспүт хаартыскатыгар кэргэнэ Хобороос көтөҕөн турар оҕото Кеша, Иннокентий Николаевич Елисеев (Усхаан) суруйааччы, кини таһаартарар айымньыларын бары таптаан, сөбүлээн ааҕабыт, аҕата баара суоҕа 23 саастааҕар сэриигэ барбыт, маны тэҥэ өссө Николай Петрович 2-ис , Семен Петрович сэрииттэн эмиэ төннүбэтэхтэрэ,

      4-с уол Иннокентий Петрович 1926 с.т. 1943 сыллаахха олох оҕо сылдьан ыҥырыллыбыт, 1945 сыллаахха сэрииттэн төннөн кэлэн 1971 сыллаахха өлбүт, кини кэргэнэ Матрена оҕо сылдьан сэрии саҕана Сэмэн Никоновы солбуйан холкуоска суотчутунан хаалан үлэлээбит. Иннокентий Петровиһы киһи астына көрөр киһитэ этэ, дьон-сэргэ ахтарынан үлэ бөҕөнү үлэлээбит киһи, Үрүҥ Күөлгэ 50-с сылларга диэри холкуоска бэрэссэдээтэллээбит, кэлин Сангаарга, Намҥа олорбуттара. Кини оҕолоро эмиэ бары үөрэхтэнэн улахан үлэһит дьон, 5 оҕоттон билигин 4-рэ баар, олортон Людмила Иннокентьевна техническай наука кандидата, тыа хаһаайыстыбатын колледжин преподавателэ, доцент. Дарья, экономист-строитель, Семен Иннокентьевич федеральнай управлениеҕа электростанцияларга уонна ситимнэргэ отдел начальнига. Семен Иннокентьевич ытык дьонноро төрөөбүт сирдэригэр “Үрүҥ Күөлгэ” сэриигэ баран уонна төннөн кэлэн өлбүт буойуттар ааттарын- суолларын үйэдитэн бэйэтин үбүгэр мыраамар плитаага барыларын ааттарын суруттаран аҕалан олохтоох дьаһалтаҕа туттарбыта. Бу улахан хайҕаллаах, атыттарга холобур буолар уонна махталлаах суол. Кинилэр аймахтара Малышевтар эмиэ сэрии хонуутуттан эргиллибэтэхтэрэ.

         Яков, Филипп, Егор Софронович Никоновтар эмиэ биир дьиэ кэргэнтэн сэриигэ ыҥырыллыбыттара. Икки бырааттыылар сэрииттэн эргиллибэтэхтэрэ, Егор Софронович 1905 с.т. эргиллэн кэлэн 1968 сыллаахха өлбүт, уола Василий Егорович врач – ренгенолог, улуус киэн туттар ыала. 

      Никонов Егор Иванович 1924 с.т. 1942 сыллаахха ыҥырыллан баран 1947 сыллаахха демобилизацияламмыт. 1968 сыллаахха өлбүт, Японияны кыайыы иһин мэтээлинэн наҕараадаламмыт. Кыргыттара, сиэннэрэ билигин бары Намҥа олороллор, ким медик, финансист, хореограф...

      Пестряков Тимофей Львович оҕолоро, сиэннэрэ эмиэ Нам селотугар олороллор, медиктэр, банкирдар уо.д.а. кини сиэннэрэ Эверстовтар аптекалара бүтүн улууһу тутан олорор биир улахан чааһынай тэрилтэ. Тимофей Львович кэргэнэ Анна Ивановна оҕолорун суос соҕотоҕун атахтарыгар туруортаабыта, үтүө суобастаахтык